Efektivi i Policisë së Shtetit, Enea Mekolli, humbi jetën në krye të detyrës gjatë një operacioni policor në fshatin Bode të Maliqit. Pavarësisht statusit të "Dëshmorit të Atdheut", i cili parashikon varrimin në Varrezat e Dëshmorëve, familja e të ndjerit ka kërkuar që ceremonia e lamtumirës të zhvillohet në fshatin e tij të lindjes, Blacë.
Sipas të afërmve, ky vendim është marrë për të mundësuar që efektivi të prehet pranë vëllait të tij, i cili gjithashtu ishte pjesë e Policisë së Shtetit dhe ndërroi jetë më herët pas një sëmundjeje të rëndë (leuçemi).
Homazhet në nderim të Enea Mekollit do të zhvillohen të premten, nga ora 10:00 deri në orën 12:00, në Pallatin e Kulturës në Pogradec. Ceremonia e varrimit është planifikuar të mbahet po atë ditë, në orën 14:00, në fshatin Blacë.
Përditësime
Familjarët e efektivit Enea Mekolli kanë njoftuar ndryshimin e orarit të homazheve, të cilat do të nisin në orën 12:00, në vend të orës 10:00 të parashikuar më parë.
Autoritetet kanë konfirmuar detajet e operacionit në fshatin Lozhan, gjatë të cilit efektivi 34-vjeçar Enea Mekolli humbi jetën në përpjekje për të ndaluar një person me rrezikshmëri të lartë. Ndërkohë, familja e të ndjerit ka refuzuar që ai të prehet në Varrezat e Dëshmorëve.