Operacioni u finalizua nga Specialistët e Seksionit për Hetimin e Narkotikëve, në bashkëpunim me Forcën e Posaçme Shqiponja pranë DVP Durrës, pas informacioneve të siguruara në rrugë operative. Dy të arrestuarit akuzohen për shpërndarje të lëndëve narkotike në bashkëpunim në qytetin e Durrësit dhe në zonat bregdetare.
Gjatë kontrolleve të ushtruara në fshatin Rrashbull, si dhe në banesat e tyre, policia gjeti dhe sekuestroi mbi 100 doza me kokainë dhe kanabis, gati për shitje. Përveç lëndëve narkotike, autoritetet sekuestruan një shumë parash të përfituara nga ky aktivitet, tre telefona celularë, si dhe dy armë të ftohta (një shkop bejsbolli dhe një thikë).
Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Durrës. Të arrestuarit do të përballen me akuza për veprat penale "Prodhimi dhe shitja e narkotikëve", kryer në bashkëpunim, dhe "Prodhimi, mbajtja, blerja apo shitja pa leje e armëve të ftohta".