Në kuadër të Planit Vjetor të Aktiviteteve për vitin 2026, Komanda e Logjistikës e FSK-së, në bashkëpunim me dy regjimentet e saj, realizoi garën ekipore të njohur si Forca 2026. Aktiviteti kishte për qëllim vlerësimin e aftësive fizike dhe gatishmërisë luftarake të ushtarakëve në kushte të ndryshme.
Gara u zhvillua në katër disiplina të ndryshme, ku u angazhuan shtatë ekipe të përbëra nga pjesëtarë të Komandës së Logjistikës dhe njësive të saj vartëse. Gjatë këtij procesi, pjesëmarrësit demonstruan disiplinë, profesionalizëm dhe përkushtim, duke vënë në pah rëndësinë e stërvitjes së vazhdueshme dhe frymës së bashkëpunimit.
Ngjarja përfundoi me shpalljen e ekipeve më të suksesshme dhe ndarjen e mirënjohjeve për pjesëmarrësit, në një atmosferë që pasqyroi frymën e garës së ndershme dhe profesionalizmin e lartë të pjesëtarëve të FSK-së.