Në orët e para të mëngjesit të datës 10 qershor 2026, në qytetin e Sarandës është zbuluar një armë zjarri e braktisur në një hapësirë publike. Pistoleta e llojit Glock u gjet në një lulishte përgjatë shëtitores Naim Frashëri, në zonën sipër plazhit Centrali.
Armën e kanë konstatuar efektivët e Policisë Bashkiake të Sarandës gjatë patrullimit rutinë. Pas zbulimit, ata kanë rrethuar vendin e ngjarjes për të siguruar provat, deri në mbërritjen e shërbimeve të Komisariatit të Policisë Sarandë.
Grupi hetimor ka nisur punën për zbardhjen dhe dokumentimin e plotë të rrethanave të ngjarjes. Aktualisht, po zhvillohen hetime intensive me qëllim identifikimin dhe kapjen e personit që ka hedhur armën në këtë zonë frekuentuar nga qytetarët.