Gjykata Kundër Korrupsionit dhe Krimit të Organizuar (GJKKO) ka vendosur pushimin e akuzave ndaj 6 ish-zyrtarëve të Agjencisë së Rrjetit Rrugor Shtetëror (ARRSH), të cilët SPAK i kishte akuzuar për shkelje në një tender me vlerë mbi 2.2 miliardë lekë.
Të dyshuarit ishin ngarkuar me veprën penale "Shkelje e barazisë së pjesëmarrësve në tendera apo ankande publikë", të kryer në bashkëpunim. GJKKO e arsyetoi vendimin me parashkrimin e ndjekjes penale.
Të përfshirët janë:
- Arbër Troka
- Miranda Shkurti
- Nikollaq Mihali
- Almir Hoxhaj
- Erjon Zemanaj
- Admir Pahumi
Sipas hetimeve të SPAK, të pandehurit, në bashkëpunim me njëri-tjetrin, kanë ndërmarrë veprime që kanë cenuar rregullsinë e procedurës së tenderimit dhe kanë dëmtuar interesat ligjore të shtetit shqiptar.