Gjykata e Shkallës së Parë e Juridiksionit të Përgjithshëm në Vlorë zhvilloi të hënën seancën për caktimin e masës së sigurisë ndaj Geraldo Bibës, efektiv i policisë private i shoqërisë “Major Security”. I dyshuari u ndalua nga policia pas ngjarjes së regjistruar më 30 maj në Zvërnec, ku u përfshi në një incident të dhunshëm ndaj një protestuesi.
Seanca u drejtua nga gjyqtari Etien Isak, ndërsa prokurorja Julinda Gjika paraqiti kërkesën për caktimin e masës së sigurisë “arrest në burg”. Pas shqyrtimit të rrethanave dhe dëgjimit të palëve, gjykata vendosi të pranojë kërkesën e organit të akuzës.
Hetimet për rastin vijojnë me qëllim zbardhjen e plotë të rrethanave dhe përgjegjësive ligjore përkatëse.