Gjykata e Apelit me Juridiksion të Përgjithshëm ka shqyrtuar masat e sigurisë për personat e përfshirë në dhunën ndaj protestuesve gjatë përplasjeve në Zvërnec. Lidhur me këtë vendim, Gazmend Vathi është liruar nga qelia, duke iu ndryshuar masa e sigurisë nga “arrest në burg” në “arrest në shtëpi”.
Në të kundërt, trupa gjykuese vendosi të mbajë në qeli Artur Granin, rojen tjetër të përfshirë në ngjarje, si dhe pronarin e kompanisë Major Security, Geraldo Biba, duke rrëzuar kërkesat e tyre për masa më të lehta shtrënguese. Hetimet janë fokusuar në rolin e këtyre personave në dhunimin dhe tërheqjen zvarrë të një qytetari gjatë protestës.
Ngjarja, e ndodhur mes dates 29 maj dhe 31 maj, ka shkaktuar reagime të gjera publike. Sipas të dhënave, dhuna është ushtruar në prani të efektivëve të Policisë së Shtetit, të cilët nuk kanë ndërhyrë për të ndaluar veprimet e rojeve private. Si pasojë e situatës, më herët është shkarkuar nga detyra kryepolici i Vlorës, Elidon Çela.
Përditësime
Protestat në Zvërnec janë përshkallëzuar pas vendimit të Gjykatës së Apelit lidhur me incidentet e dhunshme ndaj protestuesve. Aktivistët kanë bllokuar akset kryesore duke kërkuar llogaridhënie nga forcat e rendit, ndërsa Policia e Shtetit ka shtuar patrullimet për të shmangur tensionet e mëtejshme.