Gjykata Supreme e Kosovës refuzoi më 13 mars 2026 kërkesën për mbrojtje të ligjshmërisë, të paraqitur nga mbrojtësi i të pandehurit Ramadan Morina (R.M.), kundër aktvendimeve të Gjykatës Themelore në Prishtinë dhe Gjykatës së Apelit.
Me këto vendime, gjykatat e instancave më të ulëta kishin vazhduar masën e paraburgimit të të pandehurit për dy muaj, për shkak të dyshimit se ka kryer veprën penale të krimeve lufte kundër popullsisë civile.
Gjykata Supreme vlerësoi se ekziston bazë ligjore për vazhdimin e paraburgimit, për shkak të rrezikut të ikjes. Kjo bazohet në rrethanat e rastit, si ndryshimi i disa adresave të banimit, vendbanimi i përhershëm jashtë Kosovës, posedimi i dy shtetesh dhe mungesa e bashkëpunimit juridik ndërmjet Kosovës dhe vendit tjetër.
Gjykata konstaton se nuk qëndrojnë pretendimet për shkelje të Konventës Evropiane për të Drejtat e Njeriut dhe të Kushtetutës së Republikës së Kosovës. Paraburgimi është caktuar me vendim të gjykatës kompetente dhe në përputhje me dispozitat ligjore, ndërsa procedura penale ndodhet ende në fazën fillestare.