Policia e Tiranës evidentoi tre raste të këmbimit të valutave nga subjekte të palicencuara. Specialistët e Seksionit për Hetimin e Pastrimit të Parave dhe Aseteve Kriminale kryen kontrolle në zbatim të planit të masave "Për goditjen e aktiviteteve të paligjshme".
Materialet procedurale u referuan në Prokurorinë e Tiranës, ku nisi procedimi penal ndaj pronarëve të subjekteve në rrugët Abdyl Frashëri, Sokrat Miho dhe Sulejman Delvina. Ata janë shtetasit O. L., 31 vjeç, E. P., 35 vjeçe, dhe M. D., 40 vjeç.
Gjatë operacionit u sekuestruan 45 mijë euro, 7 mijë dollarë, 3 mijë paund dhe 1 milion e 500 mijë lekë. Kontrollet dhe verifikimet ndaj shtetasve dhe subjekteve vazhdojnë.
Përditësime
Policia konfirmoi se goditja ndaj tre pikave të këmbimit valutor pa licencë bën pjesë në tre raste të tjera. Dje, Policia e Tiranës goditi 2 raste të tjera në këtë fushë.