Një ngjarje e rëndë ka ndodhur në bregdetin e Shëngjinit, ku një shtetas 18-vjeçar nga Kosova ka humbur jetën. I riu është gjetur pa shenja jete në ujë, në zonën e njohur si Kunë.
Policia e Lezhës ka nisur hetimet për zbardhjen e rrethanave të plota të ngjarjes. Për momentin, po shqyrtohen dy pista kryesore lidhur me shkakun e vdekjes: mbytja aksidentale në det ose pësimi i një arresti kardiak gjatë qëndrimit në ujë.
Trupi i pajetë është transportuar në morgun e spitalit të Lezhës. Pritet që ekspertiza mjeko-ligjore të japë rezultatet përfundimtare për shkaqet e këtij incidenti tragjik që ka shkaktuar tronditje në zonë.
Përditësime
Autoritetet e Policisë së Lezhës bënë me dije se incidenti tragjik ka ndodhur në datën 24 gusht. Hetimet për zbardhjen e rrethanave të ngjarjes vazhdojnë, ndërsa pritet përfundimi i ekspertizës mjeko-ligjore.
Policia identifikoi viktimën si Shpëtim Syla, 19 vjeç, shtetas nga Kosova. Autoritetet sqaruan se ngjarja ndodhi rreth orës 13:00, duke korrigjuar moshën e raportuar më parë si 18 vjeç.