Një 45-vjeçar ka ndërruar jetë mëngjesin e së mërkurës në Levan të Fierit, teksa punonte tokën. Ai u gjet në gjendje të rëndë shëndetësore nga banorë të zonës, të cilët njoftuan menjëherë shërbimet e urgjencës.
Ambulanca mbërriti në vendngjarje, por përpjekjet e ekipit mjekësor nuk arritën ta mbajnë në jetë viktimën. Nga këqyrja paraprake e trupit nuk u konstatuan shenja dhune.
Dyshohet se vdekja ka ardhur si pasojë e një arresti kardiak. Autoritetet policore dhe prokuroria po vazhdojnë verifikimet për të sqaruar rrethanat e ngjarjes.