Një ngjarje e rëndë është regjistruar në bregdetin e Velipojës, ku një shtetas nga Kosova ka humbur jetën gjatë qëndrimit për pushime. Sipas njoftimit zyrtar të Policisë, ngjarja ndodhi rreth orës 15:30, në zonën e njohur si Plazhi i Vogël.
Shtetasi me inicialet E. M., 82 vjeç, dyshohet se ka pësuar një arrest kardiak në kohën kur po lahej në det. Për pasojë, i moshuari është mbytur në ujë. Menjëherë pas raportimit të rastit, në vendngjarje ka mbërritur grupi hetimor për të dokumentuar rrethanat e plota dhe për të zbardhur shkaqet e ngjarjes.