Një ngjarje e rëndë është regjistruar këtë të hënë në Liqenin e Ulzës, ku një i ri ka humbur jetën. Sipas informacioneve paraprake, viktima, me origjinë nga qyteti i Laçit, ka ndërruar jetë ndërsa po lundronte me një motor uji.
Në vendin e ngjarjes kanë mbërritur forcat e Policisë dhe grupi hetimor për të zbardhur rrethanat e plota të ngjarjes. Gjithashtu, kryeprokurori i Dibrës, Abaz Muça, është nisur drejt zonës për të ndjekur nga afër veprimet procedurale.
Autoritetet po vijojnë kërkimet dhe verifikimet në terren, ndërsa pritet një njoftim zyrtar për detaje të mëtejshme. Liqeni i Ulzës është një nga zonat më të frekuentuara për aktivitete ujore gjatë sezonit veror.