Inspektorati Qendror i Punës, në zbatim të vendimit të ministrit të Ministrisë së Punës, Familjes dhe Vlerave të Luftës Çlirimtare (MPFVLÇ) dhe në përputhje me mandatin ligjor, ka ndërmarrë aksion të jashtëzakonshëm inspektues në sektorët me rrezikshmëri të lartë në të gjithë territorin e Republikës së Kosovës.
Ky aksion rezultoi me ndalimin e 126 punimeve. Raporti paraqet rezultatet përmbledhëse të inspektimeve të realizuara deri më 30 prill 2026, ndonëse aksioni ka vazhduar me monitorim dhe riinspektime.
Të gjitha subjektet ndaj të cilave u shqiptua masa e ndalimit të punimeve do të procesohen automatikisht në Gjykatën për Kundërvajtje për shkeljet e konstatuara.
Procesi i riinspektimeve do të zhvillohet në ditët në vijim, sipas afateve të përcaktuara nga inspektorët për eliminimin e parregullsive. Eliminimi i parregullsive nënkupton veprimet e subjekteve për përmirësimin e gjendjes së sigurisë dhe shëndetit në punë (SSHP).
Rastet e proceduara në polici lidhen me punëkryerësit ose investitorët që kanë vazhduar punimet në kantier pavarësisht vendimit për ndalim, si dhe me dëmtimin e shiritit ndalues. Këto raste nuk barazohen numerikisht me tabelat, pasi synojnë punëdhënësit me vendim të vlefshëm ndalimi.