Inspektorati Qendror i Punës realizoi 46 inspektime dhe 37 ri-inspektime në ditën e dymbëdhjetë të aksionit të jashtëzakonshëm inspektues në sektorët me rrezikshmëri të lartë, në të gjithë territorin e Republikës së Kosovës. Aksioni zbatohet në përputhje me vendimin e ministrisë së MPFVLÇ-së dhe mandatin ligjor të inspektoratit, me fokus të plotë në sektorin e ndërtimtarisë për këtë periudhë 48-orësh.
Në 17 vendpunishte u ndaluan punimet me automatizëm për shkelje të konstatuara, ndërsa në 9 sosh u lejuan. Subjektet me ndalim pune u procesuan në gjykata për kundërvajtje sipas shkeljeve. Inspektorati shqiptoi 20 vërejtje dhe regjistroi 14 raste të eliminimit të parregullsive nga subjektet e inspektuara.
Ri-inspektimet do të vazhdojnë në ditët në vijim sipas afateve të përcaktuara për përmirësimin e sigurisë dhe shëndetit në punë. Aksioni 15-ditor u nis për të rritur sigurinë në vendpunishte pas vdekjeve të punëtorëve. Që nga fillimi i vitit kanë vdekur 9 punëtorë në vend të punës, me të fundit javën e kaluar. Për vitin e shkuar, Inspektorati raporton 19 vdekje, ndërsa Sindikata e punëtorëve të sektorit privat flet për mbi 30.
Përditësime
Inspektorati ndaloi punën në 14 vendpunishte të reja ndërtimi në ditën e 14-të të aksionit.
- Policia procedoi 4 raste për vazhdimin e punimeve pas ndalimit.