Një 58-vjeçar nga Kosova, i punësuar si inxhinier në hidrocentralin pranë zonës së Lozhanit në Maliq, ka ndërruar jetë të shtunën, më 21 shkurt 2026.
Sipas informacioneve paraprake nga burimet e policisë, viktima sapo kishte mbërritur në vendin e punës kur është ndjerë keq. Dyshohet se ka pësuar infarkt dhe ka vdekur menjëherë.
Trupi i pajetë është dërguar në morgun e Spitalit të Korçës, ku pritet të kryhet ekspertiza mjeko-ligjore për të përcaktuar shkaqet e sakta të vdekjes. Për shkak se viktima është shtetas kosovar, pas veprimeve fillestare në Korçë, ekspertiza e thelluar do të kryhet në Institutin e Tiranës.
Policia ka nisur hetimet për sqarimin e rrethanave të ngjarjes.