Komuna e Istogut është tronditur nga një seri aksidentesh të rënda rrugore gjatë javës së fundit, të cilat kanë rezultuar me humbjen e jetës së tre qytetarëve.
Ngjarja e parë tragjike u shënua më 21 korrik në fshatin Shushicë. Në këtë aksident rrugor, jeta u është marrë një gjyshi dhe mbesës së tij, duke shkaktuar një humbje të madhe për familjen.
Seria e aksidenteve me pasoja fatale vazhdoi të dielën në qytetin e Istogut. Një motoçiklist ka ndërruar jetë pas një përplasjeje me një kamion. Lajmin e ka bërë të ditur gazetari korrespodent i Klan Kosova, Valdrin Daci, gjatë emisionit "Ora Shtatë".
Autoritetet kanë vënë në dukje se përgjatë muajit korrik është shënuar një numër i lartë i aksidenteve me fatalitet në mbarë vendin, duke apeluar për kujdes të shtuar në trafik.