Korporata Energjetike e Kosovës (KEK) njofton se Njësia B1 është rikthyer në operim të mërkurën nga ora 15:00 dhe funksionon në gjendje të qëndrueshme teknike, në përputhje me parametrat e sigurisë.
Me këtë rikthim, KEK operon me katër njësi prodhuese, çka përfaqëson kapacitet të plotë prodhues dhe garanton stabilitet të sistemit elektroenergjetik në Kosovë.
Ndalesa e përkohshme e Njësia B1 erdhi për shkak të rrjedhjeve të avullit në sistemin e gypave brenda kaldajës. Problemi u adresua me ndërhyrje teknike profesionale dhe sanime të planifikuara, pa rrezikuar sigurinë e njësisë.
Operatori i Sistemit, Transmisionit dhe Tregut të Energjisë Elektrike (KOSTT) vlerësoi veprimet e shpejta dhe efikase të KEK-ut, të cilat rritën prodhimin vendor dhe siguruan vazhduesinë e furnizimit si dhe integritetin e sistemit.
KEK sqaron se përgjegjësitë në sektorin energjetik janë të ndara me ligj që nga viti 2013. Korporata është përgjegjëse vetëm për eksploatimin e thëngjillit dhe prodhimin e energjisë elektrike e termike, ndërsa furnizimi i konsumatorëve të rregulluar i takon kompanisë përkatëse të furnizimit.
Të martën ishte njoftuar se do të kishte reduktime të energjisë elektrike për shkak të mbingarkesës së rrjetit.
Përditësime
KEK rikthen në operim Njësinë A4 dhe operon tani me 5 njësi prodhuese, me prodhim bruto ditor që tejkalon 20,000 MWh.
Njësia A4 nisi punën mbrëmë të djeshme dhe u sinkronizua këtë mëngjes.
Kompania operon me 5 njësi për 9 ditë që nga 19 dhjetor 2025 dhe 7 ditë në janar 2026 – gjendje e rrallë për shkak të moshës dhe kompleksitetit të njësive.
Elogji vjen për rikthimin paralel dhe profesional të B1 dhe A4.
KEK shkyçoi njësinë B1 para orës 18:00, pas rrjedhjeve të avullit të vërejtura rreth orës 10:00. Prodhimi ditor arriti 13,560 MWh (87.6% e kërkesës). Kërkesa e parashikuar për nesër është 15,471 MWh, e mbuluar pjesërisht nga ALPEX dhe KESH.