Në prag të zgjedhjeve të brendshme për kreun e Partisë Demokratike (PD), ka shpërthyer përplasje mes aktivistes Evi Kokalari dhe Adriana Kalajasë.
Gjatë një interviste në RTSH, Adriana Kalaja deklaroi se Evi Kokalari është "një e çmendur që nga mëngjesi deri në darkë merret duke sulmuar vetëm Partinë Demokratike".
Aktivistja amerikano-shqiptare Evi Kokalari, kandidaturën e së cilës iu skualifikua në PD, iu përgjigj me një postim në rrjete sociale. Ajo akuzon Adriana Kalaja-n se kishte punuar për ish-presidentin Ilir Meta në teatër dhe se Meta e kishte futur në Këshillin Kombëtar të PD-së për të marrë kontrollin e partisë nëpërmjet Belind Këlliçit.
Sipas postimit të Kokalarit, Kalaja mori Metën në telefon, ky i fundit i tha të telefononte Shkëlzen Berishën, ndërsa Berisha foli me Flamur Nokën për ta futur Kalanë në garë kundër ish-avokates së saj që kishte tërë jetën në PD (që nga viti 1991), pedagoge në Fakultetin e Juridikut.
Kokalari pretendon se kjo tregon se Kalaja dhe Këlliçi punonin për interesat e Metës. Ajo e quan postimin provë shtesë për SPAK se PD kontrollohet nga "kryetari në hije" Shkëlzen Berisha.