Evi Kokalari i ka dërguar Sali Berishës kërkesën për t'u regjistruar si kandidate në garën për kryetar të Partisë Demokratike, ku votimet do të mbahen më 23 maj.
Sipas postimit të saj në Facebook, kërkesa u dërgua më 19 mars 2026 në emailin zyrtar të Berishës nga avokati amerikan Ronald D. Coleman.
Kokalari deklaron se ka kërkuar adresën e emailit zyrtar të Flamur Nokës, sekretar i përgjithshëm i PD-së, si dhe të Floriana Garos, por të dy e kanë refuzuar. Noka iu përgjigj me një emoji të qeshjes, përgjigje që sipas saj ngre pikëpyetje serioze mbi statusin e tij psikologjik.
Aktivistja shton se kërkesën e ka dërguar edhe Shkëlzen Berishës, duke thënë se përmes tij kalojnë të gjitha kandidaturat.
Në postimin e saj, Kokalari shkruan se letra u nis gjithashtu sekretarit, kryetarit Sali Berisha dhe Shkëlzen Berishës. Ajo shpreh bindjen se kjo situatë do të marrë fund pas zgjedhjeve.