Kryetari i Komunës së Rahovecit, Smajl Latifi, ka nënshkruar më 8 janar 2026 vendimin për rritje të subvencionit për çdo lindje të realizuar në repartin e maternitetit të Qendrës Kryesore të Mjekësisë Familjare Dr. Fahredin Hoti në Rahovec.
Ky vendim hyn në fuqi nga janari 2026 dhe e rrit shumën e mbështetjes nga 500 euro në 600 euro për lindje. Latifi ka nënshkruar vendimet e para për subvencionimin e dy lindjeve të realizuara në këtë qendër mjekësore.
Sipas njoftimit të komunës, ky masë përmbush një zotim publik të kryetarit dhe synon mbështetjen e familjeve. Subvencionimi parashikohet të rritet gradualisht në 750 euro deri në përfundim të mandatit të Latifit.
Vendimi u bë publik përmes një postimi në rrjetin social Facebook, ku Latifi theksoi nisjen e zbatimit të kësaj politike.