Kuvendi i Republikës së Kosovës mban sot, më 17 prill 2026, seancë plenare duke filluar nga ora 10:00 në sallën e seancave. Deputetët do të trajtojnë pika të rëndësishme në rendin e ditës.
Rendi i ditës përfshin:
- Miratimin e procesverbalit nga seanca e mëparshme;
- Deklarimet jashtë rendit të ditës;
- Pyetjet parlamentare;
- Shqyrtimin e parë të Projektligjit nr. 10/L-019 për Byronë Shtetërore për Verifikimin dhe Konfiskimin e Pasurisë së Pajustifikueshme;
- Shqyrtimin e Vendimit të Qeverisë së Republikës së Kosovës nr. 07/07, datë 30 mars 2026, për dërgimin e Forcës së Sigurisë së Kosovës (FSK) jashtë vendit si pjesë e Forcës Ndërkombëtare Stabilizuese në Gaza;
- Propozimin e dy kandidatëve për gjyqtarë në Gjykatën Kushtetuese të Republikës së Kosovës.
Qeveria procedoi kërkesën për dërgimin e FSK-së në Gaza më 30 mars 2026. Ministri i Mbrojtjes Ejup Maqedonci ka shpjeguar se kjo mbështetet në ftesën e komandës qendrore të Shteteve të Bashkuara, vullnetin politik të shprehur në Bordin e Paqes dhe në Ligjin për dërgimin e FSK-së jashtë vendit.