Seanca e sotme plenare në Kuvendin e Shqipërisë fokusohet në shqyrtimin e raporteve vjetore dhe vlerësimin e veprimtarisë së disa institucioneve kushtetuese për vitin 2025. Rendi i ditës përfshin miratimin e procesverbalit të datës 16 korrik 2026, njoftime, raportin e Këshillit Kombëtar të Integrimit Europian për vitin 2025, si dhe projektligjin "Për shoqëritë evropiane të bashkëpunimit (SHEB)".
Pjesa kryesore e seancës do t'i kushtohet diskutimit dhe miratimit të projektrezolutave për vlerësimin e veprimtarisë vjetore të institucioneve të pavarura dhe sistemit të drejtësisë:
• Avokati i Popullit
• Këshilli i Lartë Gjyqësor (KLGJ)
• Këshilli i Lartë i Prokurorisë (KLP)
• Kontrolli i Lartë i Shtetit (KLSH)
• Prokuroria e Përgjithshme
• Struktura e Posaçme kundër Korrupsionit dhe Krimit të Organizuar (SPAK)
• Inspektori i Lartë i Drejtësisë (ILD)
Krahas pikave të rendit të ditës, seanca pritet të përfshijë diskutime për çështje të tjera. Paralelisht me zhvillimin e punimeve, organizatorët e rezistencës kanë bërë thirrje për një protestë qytetare para ndërtesës së Parlamentit.
Përditësime
Grupi parlamentar i Partisë Demokratike ka thirrur një mbledhje urgjente, pak para nisjes së seancës plenare, për të vendosur mbi qëndrimin ndaj punimeve të Kuvendit, ku pritet të vlerësohen institucionet e drejtësisë.