Katër shtetas shqiptarë, të ndaluar nga autoritetet serbe, janë liruar pa asnjë masë penale pas seancës gjyqësore në Prokurorinë e Lartë Publike në Beograd.
Lajmi u konfirmua nga zëdhënësi i Ministrisë për Evropën dhe Punët e Jashtme, Alteo Hysi, në një reagim për gazetaren Fjorela Beleshi të A2 CNN.
Sipas vendimit gjyqësor, u sekuestruan telefonat celularë me të cilët u realizuan videot në fjalë.
Hysi sqaroi se ata do të largohen nga territori i Serbisë pas përfundimit të procedurave të mbetura.
Autoritetet serbe pretendojnë se videot përmbajnë elemente të nxitjes së urrejtjes kombëtare, fetare dhe racore.
Përditësime
Hysi deklaroi se videot tregojnë persona të veshur me veshje kombëtare dhe duke kënduar këngë të zakonshme të pranuara në tifozeri.
Katër shqiptarët u arrestuan pasi publikuan video me bluzën Shqipëri Etnike.