Komisionerja evropiane për zgjerimin, Marta Kos, në një bisedë në Atlantic Council, vlerësoi progresin e vendeve të Ballkanit Perëndimor.
Ajo veçoi Mali i Zi, që synon të mbyllë të gjithë kapitujt negociatash deri në fund të këtij viti dhe të realizojë sloganin “28 by 28”, pra të bëhet anëtari 28-të i Bashkimit Evropian deri në 2028. “Është e mundur që Mali i Zi, me 650 mijë banorë, të bëhet shteti anëtar i 28-të”, tha ajo.
Sa i përket Shqipërisë, Kos deklaroi se vendi mund të anëtarësohet në Bashkimin Evropian deri në vitin 2030 ose edhe më herët. Kjo përputhet me objektivin e qeverisë shqiptare, të përmendur nga kryeministri Edi Rama. Procesi, sipas saj, bazohet plotësisht në meritë dhe rezultate, pa data fikse.
Në lidhje me një opinion të përbashkët të presidentit serb Aleksandër Vuçiç dhe kryeministrit Edi Rama, ku propozohej bashkimi i vendeve të tyre me zonën Schengen dhe tregun e përbashkët pa të drejtë vetoje, Kos u shpreh se nuk ekziston anëtarësim “light”. Shtetet anëtare nuk pranojnë alternativa që anashkalojnë kriteret aktuale, veçanërisht në sundimin e ligjit, antikorrupsion, liri të medias dhe shprehjes.
Komisionerja theksoi se Bashkimi Evropian nuk është grup miqsh, por bashkësi vlerash. Anëtarët e rinj nuk duhet të dobësojnë standardet ekzistuese dhe duhet të respektojnë interesat e shteteve anëtare.
Përditësime
Marta Kos sqaroi citatin e saj mbi letrën Rama-Vuçiç: e sheh si alternativë nëse BE has probleme me zgjerimin, por nuk e mbështet pasi fokusi i saj është anëtarësimi i plotë i Shqipërisë.
Kos iu referua Traktatit Evropian si bazë ligjore për anëtarësimin e plotë të Shqipërisë.
Ajo aludoi për një "vend të ri kandidat" pas Shqipërisë, që e pret me padurim.