Ministria e Mbrojtjes ka njoftuar zyrtarisht hapjen e konkursit për rekrutimin e personelit profesional, teknik dhe mbështetës, të cilët do të angazhohen në Kompleksin për Prodhimin e Municioneve në Jahoc të Gjakovës. Ky proces konsiderohet një hap thelbësor drejt funksionalizimit të plotë të kësaj fabrike dhe zhvillimit të kapaciteteve vendore në fushën e industrisë së mbrojtjes.
Pozitat e ofruara në këtë konkurs përfshijnë një gamë të gjerë fushash, si:
• Inxhinieria dhe teknika
• Prodhimi dhe mirëmbajtja
• Kontrolli i cilësisë
• Siguria dhe logjistika
• Profile të tjera të nevojshme për funksionimin e kompleksit
Sipas njoftimit të institucionit, përzgjedhja e kandidatëve do të realizohet duke respektuar parimet e transparencës, meritokracisë dhe profesionalizmit, në përputhje me legjislacionin në fuqi. Kandidatët të cilët do të përzgjidhen për t'u angazhuar në detyrë, do t'u nënshtrohen trajnimeve profesionale para se të fillojnë procesin e punës.
Të interesuarit që plotësojnë kriteret për pozicionet e shpallura mund të aplikojnë përmes platformës zyrtare të konkurseve të institucioneve publike. Afati për dorëzimin e aplikimeve ka nisur më 24 gusht dhe do të vazhdojë deri më 30 gusht 2026.