Ministria për Punë, Familje dhe Vlerat e Luftës Çlirimtare ka njoftuar se që nga 19 marsi 2026, qytetarët që kanë plotësuar kriteret dhe nuk e kanë marrë subvencionin për muajt dhjetor dhe janar, si dhe të gjithë përfituesit për muajin shkurt, do ta përfitojnë atë direkt në faturat e tyre.
Kjo masë zbatohet në kuadër të Programit për Subvencionimin e Energjisë Elektrike për Familjet e Cenueshme. Programi ka për qëllim të ofrojë lehtësim në shpenzimet për energji elektrike për familjet më në nevojë, duke u mundësuar atyre të përballojnë më lehtë kostot e konsumit.