Ministria për Evropën dhe Punët e Jashtme ka përsëritur thirrjen drejtuar qytetarëve shqiptarë për të shmangur udhëtimet jo të domosdoshme në rajonin e Lindjes së Mesme.
Në njoftimin zyrtar thuhet:
Në vijim të komunikimeve të mëparshme lidhur me përshkallëzimin në rajonin e Lindjes së Mesme, dhe në kushtet e pasigurisë dhe paparashikueshmërisë së zhvillimeve, Ministria për Evropën dhe Punët e Jashtme përsërit thirrjen për qytetarët shqiptarë që të shmangin sa më shumë të jetë e mundur çdo udhëtim jo të domosdoshëm, në mënyrë të veçantë çdo udhëtim për arsye turistike në këtë rajon, deri në një njoftim të dytë.
Ministria për Evropën dhe Punët e Jashtme po ndjek me vëmendje zhvillimet dhe do të informojë publikun në mënyrë të vazhdueshme.
Ministria po monitoron situatën dhe do të njoftojë për çdo ndryshim në këshillat e udhëtimit.