Ministria e Industrisë, Ndërmarrësisë, Tregtisë dhe Inovacionit ka shqiptuar gjobë prej 40,000 euro ndaj KEDS-it për njehsorët elektrikë. Vendimi u mor pas verifikimit të ankesave të konsumatorëve.
Në laboratorin e Agjencisë së Metrologjisë u kontrolluan 19 njehsorë gjatë dy ditëve të fundit. Prej tyre, 7 rezultuan pa afat të vlefshmërisë, ndërsa një tjetër u konstatua pa lejim tipi. Raportet zyrtare u dërguan në Inspektoratin Qendror të Mbikëqyrjes së Tregut për zbatimin e masave ligjore.
Gjatë mbledhjes së Këshillit për Mbrojtjen e Konsumatorit u prezantua edhe Draft Programi për Mbrojtjen e Konsumatorit 2026–2030. Këshilli diskutoi adresimin e shpejtë të rasteve dhe kompensimin e dëmit ndaj konsumatorëve.
Ministria theksoi se gjatë tre muajve të fundit janë marrë masa proaktive për trajtimin e ankesave dhe se numri i tyre është rritur.