Hekuran Murati, ministër i Financave, ka komentuar dekretin e presidentes Vjosa Osmani për shpërndarjen e Kuvendit.
I ftuar në emisionin "Pressing", Murati e cilësoi dekretin si "rishkrim të Kushtetutës".
Ai theksoi se paragrafi i përmendur nuk parashikon ndonjë pasojë juridike apo kushtetuese për tejkalimin e afatit 30 ditësh.
"Në atë paragraf nuk është se ka ndonjë pasojë juridike apo kushtetuese për sa i përket tejkalimit të atij afati. Ky dekret përben tejkalim dhe është rishkrim i Kushtetutës, pra thirret në diçka që nuk ekziston. Sepse nuk ka pasojë juridike që thotë se me automatizëm shpërndahet Kuvendi nëse tejkalohet ky afat", deklaroi Murati.
Deklarata vjen në kontekstin e dekretit presidencial për shpërndarjen e Kuvendit, i cili lidhet me tejkalimin e afatit kushtetues për formimin e qeverisë.