Nancy VanHorn, e Ngarkuara me Punë e Ambasadës së SHBA-së në Tiranë, u takua më 21 janar 2026 me Ministrën e Shëndetësisë dhe Mirëqenies Sociale, Evis Sala. Ky ishte takimi i tyre i parë zyrtar, ku u diskutuan mundësitë për përmirësimin e kujdesit shëndetësor në Shqipëri përmes inovacionit dhe transparencës.
Gjatë bisedës, palët shqyrtuan se si inovacioni dhe transparenca mund të transformojnë sistemin shëndetësor. U theksua roli që kompanitë farmaceutike dhe teknologjia amerikane mund të luajnë në rritjen e cilësisë dhe ofrimit të shërbimeve shëndetësore publike.
Ambasada e SHBA-së njoftoi në një reagim zyrtar: "Në takimin e tyre të parë zyrtar, e Ngarkuara me Punë Nancy VanHorn dhe Ministrja e Shëndetësisë dhe Mirëqenies Sociale Evis Sala diskutuan se si inovacioni dhe transparenca mund të transformojnë kujdesin shëndetësor. Ato shqyrtuan se si kompanitë farmaceutike dhe teknologjia amerikane mund të përmirësojnë ofrimin dhe cilësinë e shërbimeve të shëndetit publik për të gjithë."
Ministrja Sala vlerësoi mbështetjen dhe ekspertizën amerikane, duke nënvizuar rëndësinë e inovacionit teknologjik për rritjen e aksesit në shërbime shëndetësore. VanHorn riafirmoi angazhimin e SHBA-së për reformat në shëndetësi dhe mirëqenie sociale.