Nxënës i klasës së tretë, Nil Kelmendi nga Kosova, u rendit i pari në kategorinë "Best of the Best" në matematikë dhe i treti në të njëjtën kategori në shkencë në garën Neo Science Olympiad.
Gara u mbajt nga 10 deri më 15 janar në Orlando, Shtetet e Bashkuara të Amerikës. Kelmendi u rendit i pari në të gjitha fazat parakualifikuese online kundër nxënësve nga vende të ndryshme të botës.
Pjesëmarrja e nxënësve nga Kosova u zhvillua nën përkujdesjen e Kosova Global Talent Center, që merret me identifikimin dhe zhvillimin e talenteve në fusha akademike dhe shkencore.