Organizata e Veteranëve të Luftës së UÇK-së (OVL-UÇK) ka dënuar arrestimin e Osman Selmanit nga autoritetet serbe, duke hedhur poshtë çdo përpjekje për ta ndërlidhur këtë rast me Ushtrinë Çlirimtare të Kosovës.
Përmes një reagimi publik, OVL-UÇK ka deklaruar se, sipas bazës së të dhënave zyrtare, Selmani nuk gëzon statusin e veteranit. Organizata ka theksuar se lidhja e tij me UÇK-në është e pabazë dhe e motivuar politikisht.
Në lidhje me rastin, OVL-UÇK u ka bërë thirrje institucioneve të Republikës së Kosovës që të reagojnë pa vonesë, duke nënvizuar se shteti ka detyrimin ligjor dhe konsullor për të ofruar mbrojtje për çdo qytetar që përballet me procedura të tilla gjyqësore në Serbi.
Aktualisht, Gjykata e Lartë në Serbi ka vendosur masën e sigurisë prej 30 ditësh paraburgim për Osman Selmanin.