Pas përfundimit të fjalimeve në podiumin e ngritur përpara godinës së Kryeministrisë, mijëra protestues kanë vazhduar tubimin përmes një marshimi nëpër rrugët kryesore të kryeqytetit.
Ky veprim ndjek të njëjtën formë të zhvilluar edhe gjatë ditëve të kaluara të protestës, duke rezultuar në bllokimin e përkohshëm të qarkullimit në disa prej nyjeve kryesore të trafikut në Tiranë. Pjesëmarrësit po marshojnë në bulevardin “Dëshmorët e Kombit”, duke mbajtur dritat e telefonave të ndezura dhe duke shoqëruar marshimin me tingujt e këngës “Dua më shumë Shqipërinë”.