Një përplasje fizike ka ndodhur më 26 janar 2026 midis dy kirurgëve B.K. dhe Xh.A. në Klinikën e Kirurgjisë së Fëmijëve të Qendrës Klinike Universitare të Kosovës (QKUK). Ngjarja ka ndodhur në hyrje të ashensorit të klinikës.
Sipas burimeve, konflikti kishte nisur të premten me një përplasje verbale mes tyre, në mbledhjen e kolegjiumit të kirurgëve, për të vazhduar sot me përplasje fizike.
Për incidentin janë njoftuar Policia e Kosovës, e cila ka shkuar në vendngjarje, si dhe menaxhmenti i QKUK-së. Drejtori i Klinikës së Kirurgjisë së Fëmijëve, Sejdi Statovci, ka iniciuar procedurat në Komisionin Disiplinor.
Përditësime
QKUK konfirmoi incidentin mes dy punonjësve shëndetësorë dhe njoftimin e policisë, sipas zëdhënëses Mirlinda Qyqalla.
Sipas zëdhënësit të policisë Enis Pllana:
- Njoftimi erdhi në orën 08:00.
- Rasti u iniciua si sulm në koordinim me Prokurorin e Shtetit.
- Hetimi po kryhet nga Sektori i Hetimeve të Kryeqytetit.