Një sulm me armë zjarri ka ndodhur të hënën në qytetin Stade, në landin e Saksonisë së Poshtme në Gjermani, duke lënë 5 persona të vdekur. Sipas njoftimeve zyrtare, incidenti u regjistrua rreth orës 13:45, në zonën e Dankersstraße, pranë stacionit të policisë.
Autoritetet policore kanë ndërmarrë një operacion të gjerë në vendngjarje, duke rrethuar perimetrin dhe duke u bërë thirrje qytetarëve që të shmangin zonën për të lehtësuar hetimet. Lidhur me këtë ngjarje, policia ka ndaluar dy persona, ku njëri prej tyre dyshohet si autori kryesor i sulmit.
Deri në këto momente, motivet e sulmit mbeten të paqarta. Policia gjermane nuk ka publikuar ende identitetin e viktimave apo të të ndaluarve, ndërsa po punohet për të sqaruar rrethanat e plota të ngjarjes. Mediat lokale kanë raportuar se incidenti mund të ketë ndodhur në një qendër rinore, ndërsa vijon procesi i verifikimit për përfshirjen e mundshme të personave të tjerë.
Përditësime
Burimet e mediave Bild dhe Reuters konfirmuan se të shtënat ndodhën në një qendër rinore. Qyteti i Stade ndodhet rreth 45 km në perëndim të Hamburgut. Zona ka një popullsi prej rreth 50 mijë banorësh.