Një person u plagos me armë zjarri rreth orës 14:00 në rrugën “Ilaz Kodra” në Mitrovicën e Jugut. Viktima, mashkull lindur më 1990, mori një plagë hyrëse-dalëse në këmbë dhe u dërgua fillimisht në Spitalin e Përgjithshëm të Mitrovicës për trajtim emergjent.
Zëdhënësi i spitalit, Shpend Fazliu, konfirmoi se pas konsultimit me mjekun ortoped dhe ekzaminimeve të nevojshme, i plagosuri u transferua në QKUK për kujdes të mëtejshëm.
Policia e Kosovës për rajonin e Mitrovicës, përmes zëdhënësit Avni Zahiti, ka njoftuar se si rezultat i veprimeve operative të shpejta, identifikuan dhe arrestuan një person të dyshuar për plagosjen. Nga i dyshuari u konfiskua një armë zjarri në cilësinë e provës materiale.
Hetuesit policorë, në koordinim me prokurorin e rastit, po vazhdojnë procedurat hetimore për sqarimin e plotë të ngjarjes.
Përditësime
Policia e Kosovës e identifikoi F.H.-në si viktimën e plagosjes me armë zjarri në Mitrovicën e Jugut. Q. Kurti është i dyshuari i arrestuar.
Gazetari Urall Boshnjaku deklaroi në emisionin 'Ora 7' të Klan Kosovës se ngjarja në Mitrovicën e Jugut filloi si konflikt verbal që u përshkallëzua në përdorim të armës zjarrit.
Policia ka arrestuar dy persona të dyshuar për plagosjen me armë zjarri në Mitrovicën e Jugut.
- Në vendngjarje u gjetën katër gëzhoja.
- Ngjarja ndodhi rreth orës 19:26 në rrugën UÇK (korrigjimi nga ora 14:00 në rrugën Ilaz Kodra).