Kryetari i Prishtinës, Përparim Rama, ka bërë të ditur se kryeqyteti po përgatitet për të përballuar ditët e nxehta të sezonit veror. Në kuadër të këtyre masave, autoritetet komunale po punojnë për rikthimin në funksion të të gjitha fontanave publike në qytet.
Nëpërmjet një postimi në rrjetet sociale, Rama theksoi se ky intervenim ka për qëllim ofrimin e freskisë për banorët dhe vizitorët, duke i dhënë kryeqytetit ritmin e duhur për muajt e nxehtë që po afrojnë.