Një shtetase kineze, A. W., 45 vjeçe, u procedua penalisht në gjendje të lirë pasi u kap në Aeroportin e Rinasit duke tentuar të nxirrte nga Shqipëria 61 755 euro dhe 10 000 dollarë amerikanë pa i deklaruar sipas ligjit.
Si rezultat i kontrolleve të imtësuara në hyrje-dalje të vendit, shërbimet e Policisë Kufitare të Rinasit, në bashkëpunim me autoritetet doganore, kontrolluan në vijën e dytë 45-vjeçaren. Gjatë kontrollit iu gjetën paratë, të cilat synonte t’i nxirrte pa deklarim.
Shuma monetare u sekuestrua në cilësinë e provës materiale. Materialet procedurale iu referuan Prokurorisë së Tiranës, e cila nisi procedimin penal për veprime të mëtejshme.
Përditësime
Policia Kufitare e Rinasit e ka kualifikuar rastin si "një tjetër rast i mosdeklarimit të shumave të konsiderueshme", sipas njoftimit zyrtar të sotëm. Këto kontrolle synojnë parandalimin dhe konstatimin e paligjshmërive në kufi.