Prokuroria pranë Gjykatës së Shkallës së Parë të Juridiksionit të Përgjithshëm Fier përfundoi hetimet dhe dërgoi në gjyq shtetasin A.M., punonjës policie, i akuzuar për kryerjen e veprës penale përndjekja, të parashikuar në nenin 121/a, paragrafi 2 të Kodit Penal.
Nga hetimet në procedimin penal nr. 295 të vitit 2025 rezultoi e provuar se më 10.02.2025 shtetasja L.C. bëri kallëzim ndaj A.M., me të cilin kishte pasur një lidhje 17 vitesh, të ndërprerë në vitin 2024.
Gjatë kësaj periudhe, i pandehuri kryer veprime të përsëritura ngacmimi ndaj saj përmes komunikimeve telefonike dhe kontakteve fizike, duke ushtruar presion psikologjik dhe duke i shkaktuar një gjendje të vazhdueshme ankthi e frike për sigurinë personale.
Kallëzuesja ka paraqitur disa kallëzime në Prokurorinë pranë Gjykatës së Shkallës së Parë të Juridiksionit të Përgjithshëm Fier dhe Durrës.
Prokuroria shpreh angazhimin për hetimin dhe vënien para përgjegjësisë ligjore të personave që kryejnë vepra penale kundër sigurisë së personit, lirisë morale, qetësisë dhe zhvillimit normal të jetës.
Përditësime
Prokuroria e Fierit identifikoi policin e akuzuar për përndjekje ndaj ish-të dashurës si Artur Mehmeti, i cili më parë referohej vetëm si A.M.