Prokuroria Themelore në Prishtinë ka sekuestruar nëntë automjete në kuadër të hetimeve për veprën penale të mashtrimit kompjuterik, të paraparë në nenin 277/K të Kodit Penal të Kosovës. Aksioni është zhvilluar me urdhër të Prokurorit të Shtetit, ndërsa rasti trajtohet nga Departamenti i Përgjithshëm i kësaj prokurorie.
Automjetet e sekuestruara janë:
- 3 Seat Leon,
- 2 Volkswagen Polo,
- 1 Golf 8,
- 1 Audi A6,
- 1 Volkswagen Jetta,
- 1 Peugeot 2008 Allure.
Prokurori i Shtetit ka lëshuar urdhër për ndalim të përkohshëm të kësaj pasurie, me qëllim sigurimin e saj deri në përfundim të procedurës penale.
Prokuroria Themelore në Prishtinë vepron në bashkëpunim të ngushtë me Policinë e Kosovës për të luftuar kriminalitetin dhe për të sjellë para drejtësisë personat e përfshirë në vepra penale.