Në seancën publike të Gjykatës Kushtetuese, të zhvilluar më 22 janar 2026, prokurorja e SPAK-ut, Dorina Bejko, argumentoi arsyet e pezullimit të Belinda Ballukut nga detyra.
Sipas prokurores, Belinda Balluku ka kryer vepra penale me natyrë të rëndë kriminale. "Në rastin konkret, vepra penale që ne hetojmë konsiderohen krime të natyrës së rëndë, për shkak të rrezikshmërisë dhe subjekteve që i kryejnë ato. Vepra penale e atribuuar të hetuarës përfshihet në konceptin e krimit të rëndë", tha ajo.
Dorina Bejko theksoi se e pandehura ka kryer jo një, por disa fakte penale historike, të cilat përkthehen në veprën penale të parashikuar nga neni 258 i Kodit Penal, të kryer disa herë. Pezullimi shihet si masë e lidhur drejtpërdrejt me pozicionin e saj si ministre.
SPAK-u ka kërkuar masa shtrënguese, përfshirë pezullimin, në përputhje me rrethanat e momentit. "Në atë moment, SPAK ka konkluduar se, nëse e hetuara do vazhdonte të ushtronte detyrën, do kryente vepra penale të të njëjtit lloj", u shpreh prokurorja.
Seanca shqyrton mundësinë që Belinda Balluku, e marrë e pandehur, të mos qëndrojë në detyrë për shkak të hetimit të vazhdueshëm.