Ministria e Arsimit dhe Shkencës (MASH) ka përmbyllur procesin e përpunimit të rezultateve të Testit të Arritshmërisë për vitin 2026. Në këtë testim morën pjesë 21,982 nxënës që përfundojnë arsimin e mesëm të ulët, ndërsa mesatarja e përgjithshme në nivel vendi është 48.35%.
Sipas të dhënave zyrtare, arritshmëria sipas lëndëve është si vijon:
• Gjuhë angleze: 65.97%
• Histori: 62.23%
• Gjuhë shqipe: 54.63%
• Informatikë: 47.87%
• Gjeografi: 47.84%
• Fizikë: 45.33%
• Biologji: 40.83%
• Matematikë: 37.93%
• Kimi: 37.68%
MASH deklaroi se këto të dhëna ofrojnë një pasqyrë të përvetësimit të kompetencave dhe do të shërbejnë si bazë për identifikimin e prioriteteve në përmirësimin e cilësisë në arsim. Lidhur me mbarëvajtjen e procesit, raportimet tregojnë se gjatë ditës së mbajtjes së provimit, pyetjet janë shpërndarë në rrjete të ndryshme sociale.