Qindra qytetarë, veteranë, invalidë të luftës dhe familjarë të dëshmorëve u mblodhën për të marrë pjesë në marshin përkujtimor kushtuar dëshmorëve të Brigadës 121 “Kumanova” dhe gjithë dëshmorëve të kombit. Organizimi nisi nga Bajraku i Luzhnicës, vendi ku ka rënë Komandant Kumanova, për të vijuar më pas drejt Memorialit të Dëshmorëve në Kleçkë. Itinerari përfundoi te Shkronjat e UÇK-së, ku pjesëmarrësit zhvilluan edhe një proces dhurimi gjaku, si shenjë solidariteti dhe respekti.
Ish-pjesëtari i Ushtrisë Çlirimtare të Kosovës (UÇK), Sadri Shala, në emër të Këshillit Organizativ, ka falënderuar të gjithë pjesëmarrësit për mbështetjen dhe kontributin në realizimin e këtij aktiviteti. Përmes një deklarate, ai vlerësoi përfshirjen e të rinjve, veteranëve dhe invalidëve të luftës në këtë homazh përkujtimor, duke theksuar rëndësinë e nderimit të dëshmorëve të kombit.