Në seancën e 18 shkurtit 2026 në Dhomat e Specializuara të Kosovës në Hagë, avokati Geoffrey Roberts, mbrojtës i Rexhep Selimit, ish-kreut të Ushtrisë Çlirimtare të Kosovës (UÇK), ka mbajtur fjalën përfundimtare.
Roberts kritikoi Prokurorinë e Specializuar (ZPS), duke thënë se ajo vetë duhet të ndihet e turpëruar nga argumentet e saj kundër Selimit. "Ta themi troç, Prokurorisë vetë i vjen turp për argumentet e veta kundër zotëri Selimit", u shpreh ai, duke theksuar se prokuroria nuk ka paraqitur kundërpërgjigje të bindshme ndaj argumenteve të mbrojtjes.
Ai vuri në dukje mungesën e provave për të mbështetur akuzat. "Prokuroria s’ka më asnjë provë për të siguruar vendimin e fajësisë për z. Selimin. Për secilin prej pretendimeve kanë qenë të pabaza", deklaroi Roberts. Sipas tij, nuk mund të vërtetohet kontributi i Selimit në krimet e paraqitura në aktakuzë, as në lidhje me Ndërmarrjen e Përbashkët Kriminale (NKP).
Roberts theksoi paaftësinë e prokurorisë për të dalluar pretendimet nga provat, duke e cilësuar shqetësuese dhe befasuese në këtë fazë të procesit. Ai përmendi se ZPS ka ndryshuar narrativën e saj ndaj Selimit krahasuar me dosjen paraprake.
Në përfundim, ai kërkoi shpalljen e pafajshme të Selimit për të gjitha akuzat, lirimin e menjëhershëm dhe kthimin në Kosovë pranë familjes. "Asnjë vendim tjetër s’mund të justifikohet në bazë të provave të paraqitura", përfundoi ai.
Në të njëjtën seancë, avokati Aidan Ellis i Jakup Krasniqit kërkoi po ashtu pafajësinë e klientit të tij. Ellis akuzoi ZPS për selektivitet në zgjedhjen e fragmenteve, duke e quajtur atë shtrembërim, jo analizë. Ai u shpreh besimplotë se gjykata do të pajtohet me argumentet e mbrojtjes pas vlerësimit të dokumenteve.
Seanca përfshin edhe fjalët përfundimtare të Hashim Thaçit, Kadri Veselit, Jakup Krasniqit dhe Rexhep Selimit pas pauzës së drekës.
Përditësime
Avokati Roberts argumentoi se Prokuroria nuk i ka provuar aspektat specifike të NKP-së: anëtarësinë, objektivat dhe mjetet.
- Komunikatat figurojnë vetëm në poshtë-shënime, pa prova të krimeve – vetëm përsëritje të pretendimeve.
- Mungon prova për autorësinë e shënimeve të dorës të atribuar Rexhep Selimit.
- Prokuroria paraqiti dhjetëra dëshmitarë dhe mijëra prova materiale me vështirësi.