Rreth 1900 anije tregtare kanë mbetur të bllokuara pranë Ngushticës së Hormuzit, kryesisht në Gjirin Persik, që nga fillimi i sulmeve të SHBA-së dhe Izraelit kundër Iranit më 28 shkurt.
Pas nisjes së sulmeve, Teherani mbylli këtë rrugë ujore jetike për anijet e lidhura me vendet sulmuese, duke ndaluar trafikut detar në ngushticë. Anijet në rajon, që përgatiteshin të kalonin përmes saj, nuk mundën ta bënin për shkak të tensioneve ushtarake, ndërsa shumica hodhën spirancat në ujëra të hapura.
Teherani njoftoi se anijet nga vende të tjera, përveç SHBA-së dhe Izraelit, mund të kalojnë për sa kohë që nuk marrin pjesë ose nuk mbështesin agresionin kundër Iranit dhe respektojnë rregullat e sigurisë.
Më 25 mars, Ebrahim Zolfaqari, zëdhënës i komandës së unifikuar të forcave të armatosura të Iranit, Shtabit Qendror Khatam al-Anbiya, deklaroi se rregullat e ngushticës janë ndryshuar dhe situata nuk do të kthehet në gjendjen para luftës. Ai theksoi se asnjë entitet i lidhur me SHBA-në dhe Izraelin nuk ka të drejtë kalimi.
Sipas sistemit të monitorimit MarineTraffic, gjatë periudhës 20-22 mars rreth 1900 anije nuk mund të lëvizin në zonën përreth Ngushticës së Hormuzit. Mes tyre janë:
- 324 anije transportuese ngarkesash të thata;
- 315 transportuese produkte nafte dhe kimikatesh;
- 267 transportuese produkte nafte;
- 211 tankerë nafte bruto.