Qeveria shqiptare ka propozuar një hartë të re fiskale që përfshin për herë të parë çmime referencë për shitblerjen e apartamenteve dhe ndërtesave në zonat rurale. Ky projektvendim, i cili pritet të miratohet së shpejti, synon të rrisë bazën taksueshme duke eliminuar praktikën e çmimeve të reduktuara dhe të zbatojë vlera të reja kryesisht në fshatrat bregdetare turistike.
Zonat më të shtrenjta janë ato në veri dhe jug:
- Gjiri i Lalëzit dhe Hamallaj (Durrës): 190 mijë lekë/m² në vijën e parë të ndërtimit, 90 mijë lekë/m² pas saj.
- Zonat e tjera rurale të Durrësit: 67.500 lekë/m².
- Dhërmi dhe Palasë (Himara): 140 mijë lekë/m².
- Vuno: 100 mijë lekë/m².
- Livadhi: 81 mijë lekë/m².
- Ksamil dhe vija e parë e Sarandës: 100 mijë lekë/m²; Gjashtë dhe Metoqi: 56 mijë lekë/m².
- Radhimë dhe Orikum (Vlorë): 90 mijë lekë/m².
- Velipoja (Shkodër): 75 mijë lekë/m².
- Tale (Lezhë): 70 mijë lekë/m².
Ndryshimet në sistemin taksor
Mbi këto çmime referencë, bashkitë llogaritin taksën e ndërtesës dhe taksën e ndikimit në infrastrukturë. Deri tashmë, për zonat rurale pa çmime specifike, përdorej çmimi i qytetit i reduktuar me 35%. Tani bashkitë do të zbatojnë drejtpërdrejt çmimet e reja pa reduktim.
Ky ndryshim rrit numrin e zonave kadastrale në vend nga 65 në 176. Çmimet e reja janë rishikuar me rritje deri në 196% në disa zona, kryesisht bregdetare, sipas grupit të punës që i ka hartuar ato.