Të dhënat e INSTAT tregojnë ulje të numrit të martesave dhe rritje të rasteve të divorcave në Shqipëri.
Avokati Alban Daci shpjegon se raporti 1 me 3 i zgjidhjes së martesës është rezultat i disa faktorëve, mes të cilëve presioni ekonomik. Ai shton se çiftet shpesh nuk e përballojnë dot presionin pas lindjes së fëmijës së parë, duke filluar mosmarrëveshjet dhe grindjet. Kanë ndodhur raste kur çiftet kanë shkuar në prag të divorcit edhe kur fëmija ishte ende në barkun e nënës. Shkaqet janë të ndryshme, duke filluar nga pasuria e krijuar nga bashkëshorti para martese.
Daci rekomandon kontratat paramartesore për të rregulluar regjimin pasuror. Këto krijojnë një raport më të sinqertë mes partnerëve dhe bëjnë martesa më të qëndrueshme, pasi gjërat janë të qarta që në fillim.
Ritmi i vrullshëm i jetës dhe pasiguria financiare kanë rritur moshën mesatare të çifteve që martoheshin. Në shoqëritë e sotme, divorci shihet shpesh si një zgjidhje.