Konfliktet në Lindjen e Mesme kanë çuar në rritje të çmimit të karburantëve edhe në Shqipëri. Çmimi i një litri naftë tani kushton 18 lekë më tepër se para përplasjeve midis Iranit dhe Izraelit.
Kjo rritje ndikon drejtpërdrejt në bujqësi, ku lëndët djegëse përdoren gjerësisht për punimin e tokave. Fermerët shqiptarë përballen me kosto më të larta, çka mund të zvogëlojë sipërfaqet e mbjellura dhe të ulë rendimentin bujqësor.
Eksperti i bujqësisë Agim Rrapaj deklaron se, nëse çmimet rriten më tej, tokat do të mbeten të papunuara dhe situata do të përkeqësohet ndjeshëm. Ai shton se rritja e kostove do të reflektohet në çmimet e ushqimeve për konsumatorët.
Eksperti i ekonomisë Eduart Gjokutaj thekson ndikimin më të fortë në sektorët me përdorim intensiv të karburanteve dhe energjisë, si bujqësia në fushë, serat dhe agropërpunimi. Kjo, sipas tij, do të rrisë çmimet e produkteve si mielli dhe të tjera në treg.
Ekspertët vlerësojnë se Ministria e Bujqësisë ka mundësi të ndërhyjë për të frenojë ngritjen e çmimit të naftës për traktorë. Ata propozojnë masa parandaluese, si një paketë menaxhimi krize me kupona për naftën bujqësore, derisa ndryshimet në Skemën Kombëtare 2026 nuk janë mbyllur ende.