Deputeti i Lëvizjes Vetëvendosje (LVV), Adnan Rrustemi, deklaroi në një bisedë për RTV21 se bisedimet për zgjedhjen e presidentit të ri nuk janë shteruar.
Ai theksoi se zgjedhjet e jashtëzakonshme mund të shmangen nëse partitë politike arrijnë konsensus. “Nuk janë shteruar, për shkak se koha ka qenë shumë e shkurtër; çështja është te vullneti. Nëse partitë politike kanë vullnet për t’i dhënë vendit një president dhe për t’iu shmangur zgjedhjeve, kjo është e mundur pas vendimit të Gjykatës Kushtetuese”, u shpreh Rrustemi.
LVV është e gatshme për zgjedhje të jashtëzakonshme nëse ato bëhen të pashmangshme.
Gjykata Kushtetuese ka vendosur masë të përkohshme, me të cilën ia ndalon Presidentes dhe Kuvendit çdo veprim deri më 31 mars.